كتير مننا بيمر بمرحلة بيتوقف فيها عن العمل، زي مثلا الفترة اللي مرت علينا كلنا فى كورونا أو لأي سبب تاني، وده بيكون معروف بالـ Gap year وكمان ممكن تكون معروفة فى موقف تاني على انها السنة اللي بتتوقف فيها عن الدراسة.
وسواء كنت توقفت عن الدرسة أو العمل، لازم تكون علرف إن فيه Tips معينة محتاج تستخدمها عشان تتكلم عن الفترة دي من غير ما تكون بتمثل نقطة ضعف عندك.
- اتكلم عن مهاراتك لا عن ما تعلمته:
من الأفضل إنك تتكلم عن المهارات اللي اكتسبتها خلال الفترة دي ومتتكلمش عن المواضيع اللي اتعلمتها لأن من خلال المهارات هتقدر توضح إلى أي مدي هتفيد الشركة اللي بتقدم عليها.
- اتكلم عنها فى الجزء الصح فى ال CV :
بمعني إنك هتضيف مهاراتك اللي اكتسبتها تحت الـ Section الصح فالـ CV ، مثلا لو كنت خلال الـ Gap year بتعمل حاجات تخص التطوع يبقي تكتبها فى القسم ده.
- إعرف أنت بتكلم مين عن الـ Gap Year :
مثلا لو مقدم على منصب أكاديمي يبقي وقتها لازم تتكلم عن العلم اللي اكتسبته خلال الفترة دي، ولو المنصب إداري يبقي هتتكلم عن براعتك ومهاراتك فى الإدارة.
وأخيرا بنفكرك إنك تقدر تتكلم عن الـ Gap year من خلال الـ Cover letter واللي بنساعدك تعمله.
كلمنا على الواتس عشان تعرف تفاصيل أكتر: