إزاي ابعت الـ CV بتاعي فى Mail للـHR؟
وجود CV احترافي بيوضح كل مهاراتك أكيد خطوة كويسة، لكن لازم تعرف إن الـ Mail اللى بتبعت من خلاله الـ CV هو حلقة الوصل الأولي بينك وبين الـ HR .
عشان كدة هنتكلم عن الخطوات الأساسية اللى مهم تتبعها لإرسال السيرة الذاتية بشكل صحيح.
1- استخدم بريد الكتروني رسمي:
لازم يكون بريدك الالكتروني رسمي، يكون بالاسم الأول والثاني ليك أو الاسم الأول و الأخير، متبعتش أبدًا من بريد إلكتروني فيه Nickname .
2- Subject:
فى الأغلب هيكون باسم الـ Job title اللى بتقدم عليها، تأكد من كتابته زي ما موجود فى الإعلان الوظيفي.
لأن الـ HR بيعمل Filtration من خلال البحث بالـ Job title اللى طلب إنها تتكتب فى الموضوع.
3- التحية\ البداية:
لازم تكون بداية البريد الالكتروني بشكل رسمي.
ممكن تبدأ ب Dear Recruitment team, فى حالة معرفتك باسم الشخص بتكتب اسمه بعد Dear وممكن تستخدم Hello.
4- كتابة الـ Cover letter:
بتقوم فيه بالتعريف بنفسك بشكل مختصر، بتحاول الربط بين انجازاتك وخبراتك والحاجات الجديدة اللى هتضيفها للمكان.
عشان تتعرف أكتر على كتابة الـCover Letter تقدر ترجع للمقال ده:
https://www.cvforcareer.com/6004/%d8%a5%d8%b2%d8%a7%d9%8a-%d8%a3%d9%83%d8%aa%d8%a8-cover-letter/
5- الخاتمة:
بعد كتابة التفاصيل كاملة، بأتى الوقت لإغلاق الـ Mail من خلال كتابة:
Best regards, or Thank you,
بعدها تضع الاسم والبريد الالكتروني ورقم التليفون.
ومتنساش تعمل Attach للـ CV ولا تضع الشهادات فى حالة عدم طلبها.
للتواصل معنا للتعرف على خدماتنا: