أغلب الناس اللي بتقدم على وظائف كتير وخصوصاً في الشركات المالتى ناشيونال وتترفض السبب هو سوفت وير ATS
(Applicant Tracking System)
ودا عبارة عن نظام تستخدمه الشركات المالتى ناشيونال وبعض الشركات المحلية لعمل Filtration لل Cvs
بسبب أن الـ CVs اللي بتتبعت ليهم بيكونوا كتير ودا بيقوم بعمل فلتره بنسبه من 80 :90% من Cvs.
يعني لو في 1000 Cv مبعوت بيقولك أن في 100 مثلا هما المناسبين للوظيفة دي
ايه هو ال Applicant Tracking system ؟
لما تقدم على شغل اونلاين وبتبعت ال Cv بتاعك علي الموقع بتاع الشركة اللي مقدم فيها غالباً ال Cv بتاعك مش بيروح للاتش ار على طول …لأ دا بيروح اولا لل ATS System عشان يبدأ يفلتر طبقاً للوظيفه اللي مقدم عليها وال job Description اللي الشركه حطاه للوظيفة وهو يبدأ يقارن الكلام الموجود في ال Cv باللي متبرمج عليه للوظيفة دي ويبدأ يدي كل Cv نسبه معينه ودا بيكون على حسب:
- مدى توافقه مع ال Job Description.
- ال Requirements اللي محدده للوظيفة واللي بيكون مكتوب جزء منها في إعلان الوظيفة اللي مقدم منه.
- ومن هنا بدل ما ال Recruiter يبص علي عدد كبير من ال Cvs بيبدا يبص على عدد أقل وهي أعلى نسبه عدت من ال ATS ويبدأ يبص عليها هو ويكمل معاه باقي عمليه Recruitment.