ازاي تعمل CV بشكل احترافي

  ◀ إزاي تعمل  📃CV بروفيشنال؟ إيه هو الـ Cv وما اهميته  ؟

• هو ملخص عنك وعن خبراتك سواء كانت دراسة أو تدريبات أو كورسات أو تطوع أو مهارات….  

• الـ Cv يعتبر حلقة الوصل بينك وبين الشركة أو المكان اللى انت عايز تدرب أو تشتغل فيه

• الـ Cv يعتبر هو نص الطريق الأول “لأنه هو اللى هيوصلك للإنترفيو

سألت نفسك لما يكون ال HR قدامه مثلاً 300 أو 400 Cv  وهو محتاج يكلم وليكن 10 إيه اللى يخليه يكلمك؟

• الـ Cv بتاعك وطريقة كتابتة وطريقة عرضك لمهاراتك

• لازم دايما تطور منه وتعمله update  طبعا هتطور منه عن طريق انك تطور من نفسك

• الـCv بتاعك على أساسه أنت اللى هتحدد  تشتغل فى شركة كبيرة أو انترناشونال ولا شركة لوكال !!! 

_________________   طريقة كتابة ال CV خطوة بخطوة    فى البداية بنكتب الـCv بنفس الترتيب ده    ◀ اسمك ثلاثي عريض فى نص الـCv  وتراعى إن أول كل حرف من إسمك يكون Capital ويكون حجم الخط ١٦ أو ١٨ اكبر حاجه وده بيكون أكبر خط في ال Cv Ahmed Mahmoud Abdellatief ◀ عنوانك ◀ رقم موبايل  ◀ الإيميل   ماينفعش يبقى أسماء مستعارة أو مختصرة لازم يبقى فورمال زي مثلا                 [email protected]  

• Career  Objective

من أهم الأجزاء وممكن على أساسة الـ HR يكمل قراءة الـCv أو لأ معظم الناس بتكون فاكرة ان انت بتكتب هنا هدفك أو (الوظيفة اللى انت عايزها) بس!!  ناس كانت بعتالى الـCv وكاتبة فيه كدا بالنص Seeking a bout new challenge in……. طبعا الكلام ده غلط .. طب انت هتدى ايه للشركة أو إيه اللى بيميزك أو هتضيف إيه للشركة!!  الصح انك بتكتب ايه خبرتك أو اللي بيميزك علشان تشتغل في المجال ده ” تدريب أو تطوع أو كورسات أو شغل قبل التخرج فى نفس المجال أو دراستك” .. يعنى انت هتدى ايه للشركة مقابل هدفك ده هنا لازم تكتب اي الحاجة اللى بتميزك علشان تشتغل فى المجال اللى انت كاتبه (نقاط قوتك أو خبرتك أو دراستك) + هدفك(وظيفتك) ⁦▪️⁩Education بتكتب دراستك هنا سواء كلية أو ماستر أو دكتوراة  وتخصصك وتقديرك أخر حاجة انت حصلت عليها بتتكتب فوق.  يعنى لو انت معاك ماجستير بتكتبه فوق خالص وتحته البكالوريوس وهكذا…  ⁦♦️⁩ترتيب ال cv  كله في جميع الاجزاء بيكون من الاحدث للاقدم مثال :-                    Al Azhar University in Cairo,, Faculty of Commerce,  Bachelor’s Degree in Management      ▶ Major: Business administration     ▶ Grade: Very good. وبتكتب مشروع التخرج برضو وتقديرك فيه لو عندك لو إنت طالب بتكتب انت فى الفرقة الكام او بتكتب السنه اللى انت متوقع هتتخرج فيها  

• Work experience 

الأماكن اللى اشتغلت فيها ودورك كان فيها إيه وبدأت الشغل فيها إمتى ومدة الشغل كانت قد إيه وبنكتب أخر مكان اشتغلنا فيه فوق خالص يعنى الترتيب على حسب الأحدث مش الأهم يعنى اخر حاجة اشتغلتها فوق خالص والأقدم منها تحتها وهكذا طبعا لو انت طالب وما اشتغلتش مش شرط تكتبها ودا هيعوضها الجزء بتاع الأنشطة الطلابية والتطوع   ▪️ Professional Development  وهنا بتكتب فيه الكورسات اللي خدتها  اوفلاين  وطبعا تركز الافضل علي الكورسات المتعلقة بمجالك  وتكتب  اسم الكورس +اسم المكان + مده الكورس + التاريخ أو الفتره الي خدت فيها الحورس  مثال : Human Resources ,ABC Academy ,Cairo (24 Hours) (May2020_July2020)   ▪️Professional Training  وهنا بتكتب فيه الكورسات اللي خدتها  اونلاين وطبعا تركز الافضل علي الكورسات المتعلقة بمجالك  وتكتب  اسم الكورس +اسم الموقع أو المنصة التعليمية + مده الكورس + التاريخ أو الفتره الي خدت فيها الحورس  مثال : Human Resources , Udemy ,(24 Hours) (May2020_July2020)  

• Internships

دى التدريبات الصيفية اللى انت ادربت فيها    الـ internship ده لو انت لسه طالب و الشركه اديتك فرصه تدريب  تتعرف على طبيعة الشغل بنظرة عامة تتراوح من شهر ل٦ وساعات سنة في بعض الشركات 

• Volunteering work

من أهم الحاجات اللى بتقوي الـ Cv بتاعك وممكن تترفض أو تتقبل فى منحه بسببها  أو حتى في شغل ويتكون عامل كبير للفلترة بالذات لما يكون المتقدمين زي بعض في كل حاجه او لسه متخرجين بتكتب الأنشطة اللى كنت متطوع فيها سواء طلابية أو جمعيات خيرية ومتكتبش المكان بإختصار وليكن “ABC” لأ إكتب الإسم كامل وتكتب دورك فيه كان إيه وليكن member of public relations Head

• skills

اللغة والكمبيوتر ومهاراتك     ▶ language️ فى ناس بتكتب انها مستواها فى الـ English مثلا Very good علطول   في ناس بتكتب في كل مهارة  وده برده مش غلط Listening .. Writing .. Reading .. Speaking ..     مثال :-  – English good in listening, very good in Writing, very good in reading and good in speaking.   وممكن تكتب مستواك فى اللغة  A1/A2–B1/B2–C1/C2       ▶ Technical skills بتكتب مستواك فى برامج الأوفيس أو إستخدام الإنترنت عموما ولو بتعرف تشتغل على أى برامج تصميم أو غيرها بتكتبها   مثال :-  – good command of Microsoft office tools. – good command of Photoshop and illustrator tools.  – I use internet tools sufficiently and effectively       ▶ Interpersonal  skills ناس كتير بتكتب هنا أكثر من مهارة!! الصح والأفضل إنك بتكتب المهارات اللى عندك فعلا أو إكتسبتها  مهارة مثلا زي مهارة التواصل تكتبها وتكتب أنت اكتسبتها ازاي – Communication skills gained through my experience as a head (member)  of public relation committee in a “إسم التيم أو النشاط” Team  أو ممكن تكون إكتسبتها فى شغل زى الميديكال برضو   لو عندك مهارة مثلا زى الProblem solving هتكتب إنت اكتسبتها منين نفس الحكاية فى باقى المهارات   

• Conferences and workshops 

إكتب هنا المؤتمر اللي انت حضرته واستفدت منه وطلعت بمعلومات كويسة وفاكر مين المحاضرين…. إلخ   خد بالك الترتيب على حسب الأحدث مش الأهم يعنى اخر حاجة حضرتها فوق خالص والأقدم منها تحتها وهكذا  

• personal information

    ▶ Date of birth:     ▶ Military service: Exemption/postponed/Finished _________________ نقاط يجب مراعاتها في كتابة سيرتك الذاتية  ◀ أحط صوره فى الـ Cv ولا لأ ؟  ما تحطش صورة إلا لو كان مطلوب فى إعلان الوظيفة  لأن صورتك بتدى انطباع مبدأى عنك وبالذات لو انت مقدم فى وظيفة لها علاقة بالمظهر فاسيبة هو يحكم لما يشوفك ممكن يكون فيك مميزات تانية تخلية يتغاضى عن النقطة دى لو الصورة مطلوبة فى الإعلان هتحطها وتكون فورمال وخلفية بيضاء وعلى الشمال مش اليمين ناس كتير بلاقيها حطاها على اليمين ودا غلط لأن الCv إنجليزي وبنحطها على الشمال   ◀ إزاى أرتب أحداث الـ Cv ؟ على حسب الأحدث من حيث التواريخ  بمعنى.. إن آخر مكان اتدربت أو اشتغلت أو اتطوعت فية بيكون فوق خالص واللى تحته بيكون أقدم منه فى التاريخ وهكذا..  يعنى أخدث مكان فوق وأقدم مكان فى التاريخ تحت   ◀ أبعت الـ Word ⏪ Cv ولا PDF ؟   إبعته PDF علشان التنسيق بتاعة ميتغيرش لان ال HR ممكن يكون شغال على برامج أوفيس غير اللى انت شغال عليها فايظهر الـ Cv معاه بشكل مختلف غير اللى انت عامله.  ودي اخر جمله بتختم بيها ال Cv  عشان توضح أن كل الشهادات والمعلومات سليمه ومايثبتها موجود  References and Certificates are upon under request